Schwizerdütsch-Thread

[Dudu]

Bi hüt mit em Töff ga schaffe!

Ha uf dr Buechenegg sogar e momänt lang d sunne gseh. Blöd isch nume, dass me i däm Näbu S Visier inne u usse u d brüe inne u usse agloffe isch.
Da ^bini haut nach gfüu gfahre. D schtrecki kenneni ja sowieso uswändig.

Jetz frueni mi ufs hefahre. de näbu geit wäg u d schtrasse si troch.

nume... Profiu hani gäng no kes. Wobi das isch nume bim gradus fahre es Problem. Für ir Kurve hets am Rand no gnue Riue.

 

[Raecheli]

nume... Profiu hani gäng no kes. Wobi das isch nume bim gradus fahre es Problem. Für ir Kurve hets am Rand no gnue Riue.

Erklär das mau de KollegInne vor Speedy...

 

[Dudu]

Erklär das mau de KollegInne vor Speedy...

Die hei etz angers z tue. Wenn d Winterziit isch dürfe si d Töffahrer nüme plage

 

[Raecheli]

Die hei etz angers z tue. Wenn d Winterziit isch dürfe si d Töffahrer nüme plage

Das wärde sie Dir sicher o grad eifach so abchoufe...

 

[Skorpi]

do gseht me mou wär ä richtige Hardcorebiker isch

so schtou ig mir dr DUDU hüt Morge öpe vor ....

 

[Raecheli]

do gseht me mou wär ä richtige Hardcorebiker isch

so schtou ig mir dr DUDU hüt Morge öpe vor ....

De müesstene ar Speedy ihri KollegInne z'erscht usbuddle, bevor sie würde gseh, dass är gar ke Profil meh het...

 

[Bleifuss]

Guete Morge mitenang!
O wet Töffsesong düre isch, isches doch schön, das die nöchschti scho bau ume afaht....

 

[Raecheli]

Aber z'erscht chunnt no ds Wiehnachtsapéro...

 

[Bleifuss]

Ou ja, u sit hüt chani dert meh oder weniger Schrtessfrei teilnäh, da äs Wiehnachtsässe is Wasser gheit isch.
Am Fium zämeschnipsle bini oscho

 

[Raecheli]

So - heit Dir aui d'Schneeschufle bereit...???

 

[Dudu]

Ha hüt no schnäu, schnäu d' winterreder montiert. Derbi hani bim löse vor schrube z fesch gschrisse, so dass mer de chare grad vom wageheber ache gumped isch. Bi hueremässig verchlüpft u ha schwein gha, dass nüt passiert isch. Ha gar ned gwüsst dass ig e so viu chraft ha

 

[Raecheli]

Dudukules...

De hesch sä doch no gfunge, die Pneu...?!!

I bi sie Nacht mit knappe 50kmh uf dr Outobahn gäge hei gfahre... das het gschneit wie verruckt... ha de am See entlang hurti dr Föteler füre gno... wobi's mä uf dr Outobahn ohni Strasselampe würklech gar nüt meh gseh het...

 

[Raecheli]

Sunntigspaziergang dür Oberhofe

I ha hüt ä wunderschöne Spaziergang dür Oberhofe gmacht u wett Öich chlei dran la teil ha...!

 

[Bleifuss]

Morge!
Auso mir hei ts Cherzers ou schön gha. Aber glich chaut.
Schad hets die nacht i Schnee grägnet...

 

[Raecheli]

Mittlerwile hets o hie i Schnee grägnet und äs isch eifach nume no pflotschig,k nass u grusig...

 

[Raecheli]

Westside

Gester bini mit mim Gottemeitschi d'Westside ga erkunde... d.h. mir si ga Wall E luege...!

Fazit: zum Shoppe zieh ni mäge angere Ort vor... aber rein boulech het's mir guet gfaue...!

 

[Raecheli]

Schnee... :-)

So viel Schnee wie heute gab es hier schon ewig nicht mehr... !!!

Kommt auf den Bildern nicht ganz sooo gut rüber - jedenfalls mussten teilweise spezielle Schneeräumungsfahrzeuge eingesetzt werden, weil die "normalen" stecken geblieben sind...

Hier der Ausblick aus meinem Büro und die Zufahrt:

 

[Bleifuss]

Ha gmeint, hie wärdi Schwiizerdütsch gredt?
Auso ig bi am Mittwuch ou uf Thun am Morge mit dr Supra. Ig ha auso 2 std gha.
U no einisch 2 schtung bis Grinduwaud nächer....

 

[Raecheli]

Stimmt... ha äuä vor luter Gwohnheit ganz vergässe Bärndütsch z'schribe...

 

[Bleifuss]

Äbe...
Aber im Supra-Forum muesi mängisch ou ume druf hi wiise.