Schwizerdütsch-Thread

[Bleifuss]

Wobi Thurgou isch oscho hert ar Gränze obe, oder?

 

[Raecheli]

auja da häsch recht....soorrrryyyy

Schön, dass Du mir rächt gisch...

 

[Speedgirl]

Jetzt si mir eso viel schwyzer hie im forum, aber euse thread wird ja fascht nüme brucht....

guet mer fragt sich ja scho immer was söll i de die ganzi zyt hie inne schriebe.....

i glaub mir fö emal ganz banal wieder a........mit em wetter.....

auso da in bern isch mega schweiss wetter, es luftet wie ne more und es isch arsch chalt!
gange jetzt de am mändig mini winterpneu go montiere, will de erschti schnee staht scho vor der tür......

also ihr schwyzerlis chömet und schriebet hie wieder echli meh inne

 

[Raecheli]

Ds Wätter isch würklech mega gruusig im Momänt... zum Glück geits morn los i Richtig Valencia... ds Wätter dört isch zwar lut Wätterbricht o nid super guet... aber z'mingscht isch äs wärmer...

 

[Speedgirl]

Ds Wätter isch würklech mega gruusig im Momänt... zum Glück geits morn los i Richtig Valencia... ds Wätter dört isch zwar lut Wätterbricht o nid super guet... aber z'mingscht isch äs wärmer...

dört regnets nur wärmer......hehe

aber i glaub am weekend söt bi eus au besser werde
auso mis höddy isch no iglöst, mal luege viellich gits ja es chlises tüürli

 

[Skorpi]

jo fürs weekend gsehts nid schlächt us, nume ne chli chaut, ha letscht samschti ufem Grimsu fasch Klämmerli abgfrorre, doch e rechte Freak könnt keni Schmärze

so muess go bügle, do langsam aber sicher aui d'Wintergümmeli wei montiere, gäu Speedi

 

[Dudu]

D' cheuti gieng ja no. A mire Frau Strom hani schliesslich Handschütz ;-)
Aber die huere Bletter uf d Schtrass passe mer überhoupt ned. U de no üsi liebe Puure wo mit em Traktor eifach vo de Fäuder uf d schtrass fahre u die morerei ned öppe würde wägputze...
I wott a d weeeeeermi! Nöime wo's schön isch , blaue himmu u schöni leeri schtrasse (u kei Schmier, sorry speedy)

Ab uf Süditalie!!!!!

 

[Raecheli]

... i giengti uf u dervo... *sing*

 

[Dudu]

... i giengti uf u dervo... *sing*

Stimmt. Ferie hätt i ämu no gnue (15 Tag) Aber Arbet äbe oh

I freue mi ungerdesse scho uf e nächscht Früeli dä chunt nämli sicher!

Dudu

P.S. z. Palermo hei si 26Grad u blaue Himu

 

[Raecheli]

Ja, das geit üs ja öppe aune so oder ähnlech...

 

[Speedgirl]

Aber die huere Bletter uf d Schtrass passe mer überhoupt ned. U de no üsi liebe Puure wo mit em Traktor eifach vo de Fäuder uf d schtrass fahre u die morerei ned öppe würde wägputze...
I wott a d weeeeeermi! Nöime wo's schön isch , blaue himmu u schöni leeri schtrasse (u kei Schmier, sorry speedy)
Ab uf Süditalie!!!!!

Ja die huere Puure ha i au mega uf de Kante, die chöntet au emal putze we si scho so e morerei machet!

Aber zum fährerle mit em Bike isch es eifach chalt, da macht eifach kei Spass, da blieb i lieber dehei!

Was Schmier? hallo, wie seitmers richtig....hä

I glaub i gange au gli in Süde, zwar nöd eso wit, aber viellich ha i ja dörte au scho schöns-sunni-warmi-Wetter

 

[Bleifuss]

Mir si o ume zrügg usem Süüde. Heis aber nid ganz bis Valencia gschafft, sondern nume bis Barca. Aber t Russe ir Boxe näbedranne hei Fernseh gha, so heimer doch ou öppis vom letschte GP-Rennä mitbecho.
Aber die 3 Tääg uf dr Pischte bi ca. 25 Grad hei würklech guet ta!
U bi schönschtem Wätter heimer öppe 500km u 2 Pokäu gmacht.
Meeeegaspass gha!

 

[Skorpi]

2 Pokäu !?!

gratuliere

 

[Raecheli]

Winteribruch am Thunersee...

Äs schneielet, äs beielet, äs geit ä chüehle Wind... *sing*

... morn muess i äuä z'erscht mau mini Winterjagge usgrabe... u de d'Schneeschufle...

 

[Raecheli]

Bi Tagesliecht betrachtet isch geng no aues wiss... und i gseh nid mau bis zu de Bärge übere... aber äs isch nasse u pflotschige Schnee... und är wird äuä nid lang blibe...

 

[Mindphaser]

Na bumm !
Bei uns hatte es heute früh knappe 17 grad.......
(und ich hab schon eingewintert )

 

[Raecheli]

Hie si für hüt grad mau 4°C gmäudet...

 

[Skorpi]

und i ha jetzt grad dr 3'289'134'679'825'446'325'451'824'515 zigscht Reife gwächslet, mi chönt meine es het 3Meter Schnee gä
und jetzt ändlech, nimmi i auer Ruei mis z'Nüni

 

[Raecheli]

Du füehrsch de gnau Buech... ! Aber das isch ja scho ender Z'Mittag aus Z'Nüni...

Ha miner Winterpneu zum Glück scho vor zwe Wuche la montiere... ha äbe vorusdänkt...

 

[Dudu]

Winterpnö, Winterpnö?


Gopf, wo han i die cheibe eigentlich binm Zügle härebiiget?